Fitofaladoiro IES Plurilingüe Castro da Uz

Premendo neste enlace, podedes acceder á información recollida durante este curso: os nomes de plantas na zona na que vive o alumnado ou as súas familias, as súa utilidade, as gravazóns e información das entrevistas realizadas e as fotos correspondentes aos exemplares de plantas, tanto frescos coma prensados. Acceso á información recompilada

O alumnado de 1º ESO recolleu e identificou plantas para elaborar os seus herbarios personais. Aquí podedes ver unha selección dalgúns deles. Premendo nas imaxes, pode accederse ás imaxes de cada un. Aínda que polo medio hai algún erro na identificación dalgún exemplar, non quedaron nada mal. Bo traballo!

Ada, Antía, Irene e Víctor investigaron sobre a produción de mel, xa que é un produto que se obtén grazas á actividade das abellas, que son uns importantes insectos polinizadores. Víctor fixo esta entrevista ao seu avó, Manuel Rey, que é apicultor afeccionado. Entrevista sobre a apicultura

Parte do alumnado (Álex, Iago Gabeiras, Iago Expósito, Jimena, Lucía, María, Nerea, Pablo e Sergio)  investigou sobre lugares do concello que tivesen nomes relacionados con plantas. Na listaxe están os seguintes: Espiñaredo ,  O Freixo ,  Porto do Liño (A Faeira) ,  O Piñeiral (Goente) ,  As Teixoeiras (Espiñaredo) ,  O Carballo (Bermui) ,  O Piñeiro (Espiñaredo) ,  A Maciñeira (Somede) ,  O Bidueiro (Vilavella) ,  O Carballal ,  Pereira (O Deveso) . Se alguén pode aportar algún dato que complete esta información, estaremos agradecidos!

Na clase de Plástica, o alumnado empregou exemplares de plantas frescas para facer estampacións sobre láminas. Premendo na imaxe pode verse o resultado do seu traballo.

A finais de curso, visitounos o alumnado de 6º de Primaria que o ano que vén virá ao noso centro. Durante a xornada de acollemento, participaron nun obradoiro na aula de Plástica, no que utilizando plantas frescas e realizando estampacións, elaboraron marcapáxinas. Premendo na imaxe do marcapáxinas pode verse unha selección dos que fixeron.